Popular Bible Verses from Proverbios 3

Share

Pishiretasanoteari Tasorentsi, eiro piquenqueshireashitarotsi piotiri. Pincantapiniteri Tasorentsi paitapeerica pantayeteri, iriotaque matacayempirone cameetsatatsiri.

Eiro pijitashitatsi avirori piotasanoti; pimpincatsateri Tasorentsi, pojocajero caari cameetsatatsi.

Pimpincatsateri Tasorentsi, pimpaaranteri timimoyetimpiri, aisati jivayetatsiri oitsoquiyeti pivanquirepee; aitaque ojaasanotanaquea piquempoyeantaroriqui, aisati pijantarori ovaja.

Eiro catsini pipeacotarotsi pinintanti aisati queariotasanotatsiri, quiso poyero, pinquenqueshiretero, pinquempetacantero nenquetsiqui.

Notomi, eiro piquisoshiretitsi iroametempirica Tasorentsi, aisati eiro pishemashireatsi iroashinoncayempirica. Tempa yora Tasorentsi yoametiri inintiri, iquempeta atiri yoametiri itomi inintasanotiri.

Notomi, eiro pipeacotarotsi noametaquempiri, pinquenqueshiretasanotero nocantacantiri; irotaque paneanteari osamani, aisati pinquimoshiretasanote cameetsa.

Inquimoshirete iotatsiri, aisati quenqueshireachari cameetsa. Tempa ocameetsatasanoti, anaacotiri plata, aisati omatacaasanotanti cameetsatatsiri anaacotiri oro. Ora iotantsi ocoasanota catsini, anaacotiro mapiquipee pinatasanoyevetachari. ¡Tecatsi quempetearone paitapeerica icoasanoyeevetari!

Eiro catsini pitsaneapitsataritsi paitarica coacotempine timimotimpiri, ocameetsati pamitacoteri.

Otimimotasanoti iotantari Tasorentsi aisati iquenqueshireantari, imatantacarori yovetsicaquero inquite, quipatsi