Popular Bible Verses from Proverbios 11

Share

Yora pashitantachari ontimimotasanoteri irashiyeteari; aitaque incanteari, aisati impeetajeri iriori.

Ainiro atiri pimantashiyetachari, aiquero oshequiasanotanaqueri timimotiriri; irintiquea mashitsatatsiri, intsoncacotasanotea incoiteavete.

Yora shemetatsiri, tecatsi pincatsaterine; irintiquea caari shemetatsi, otimimotiri iotantsi.

Teerica impincatsariventante cameetsa pincatsari, oshequi ompomerentsitimoteari atiripee; iranaacotante cameetsa intimerica oshequi amitacoyetiriri.

Yora savicatsiri cameetsa yaneasanoti osamani; irintiquea caari cameetsatatsi, eiro osamanititsi iranee.

Yora ovaayetirori neantsipee te irimaneroji; irintiquea iotatsiri, imaniro iquemayevetari.

Yora cavintsantatsiri icavintsaaja irisati; irintiquea oashinoncantatsiri, yoashinoncaaja irisati.

Yora shiretashitarori timimoyetiriri intsoncajea, inquempetearo camashitatsiri oshi; irintiquea cameetsatatsiri, inquempetearo inchato shiocajempequiyetatsi.

Ora ashiyevetari, eiro omatirotsi ojocaacoventante ariorica omoncarataquea incantacoventetee; irointiquea cameetsatatsiri antaqueeri ojocaacoventeero caamanentsi.

Yora cameetsatatsiri oametiri tampaticatatsiri iotiri; irintiquea amatavitantatsiri, opeacaari yamatavitantayeti.

Ora tsinane cameetsavorovetachari caari iotatsi, oquempetacari chancho yoyeetiniri ishintaquiqui aniiyo yovetsiqueetiri oro.

Te irineacameetsateri Tasorentsi amatavitantashiyetarori moncaramentotsi; irintiquea ineacameetsati moncarayetantarori cameetsa.