Popular Bible Verses from Proverbios 1

Share

Ayotasanotanteari, ocameetsati ajivate ampincatsateri Tasorentsi; yora caari iotatsi te irineacameetsateroji iotantsi aisati oametantsi. Aviro notomi, pinquemisantero noametimpiri, aisati eiro pipeacotarotsi oametimpiri piniro.

Yora caari iojeitatsi ompeacaajeiteari, te irioteji; aisati ontsoncajeitajeri caari quenqueshireacha. Irintiquea quemisantajeitenane, irisavicajeite cameetsa, eiro itsaroacaajeitarotsi paitapeerica covencayetatsiri.”

Yora iotatsiri, quenqueshireachari, iquemisantiro icanteetiriri, aiquero iriotasanotanaqueri.

Ariorica incoavetea antayetirori caari cameetsatatsi iramatavitempi, ¡notomi, eiro pishinetaritsi!

Jero icantiri Salomón, itomini David, pincatsariventiriniri ishanincajeitaniri Israel: Icoasanotaque iroametantero iotantsi jero oametantsi, iriotacaajeitanteariri itsipapee ocantayetiri iotiri, iriotantearori oametantsi, inquenqueshiretempa cameetsa, irantero cameetsatatsiri, irineanate tampatica, aisati iraacameetsatante. Irotaque iriotantearori evancaripee caari iotatsi, inquenqueshiretantanaqueari cameetsa.

Impoiji paventajeivetanaquena, iro cantaincha eiro naquimpitsi; pincoajeivetajena, eiro pineajanatsi; tempa, te pincoajeiteroji iotantsi, te pincoajeiteji pimpincatsateri Tasorentsi.