Popular Bible Verses from Números 13

Share

Ari yoimajerentaqueri Caleb ishanincapee catiimojeitacariri Moiseshi, icantiri: —¡Aitaque amajeitaqueri amanajeiteri aajeitantearori quipatsi!

Aisati noneajeitaitiri antearitasanoyetatsiri ishanincapeeni Anac, yanaajeitaquee ainti, te antearijeiteji, aquempetacari tsinaropee. Ari intseencajeitavaquee.

Iro cantaincha yacajeitanaque icarajeitaitiri icanti: —¡Eiro amatiritsi amanajeiteri atiri! Ineaperotasanojeita irinti, yanaacojeitaque ainti.

Aisati icantimojeitaqueri maaroni ishanincapee, te oncameetsate quipatsi yamenanontaveitari; icanti: —Te oncameetsateji quipatsi namenanontaveitari aisati savicantajeitarori oshequi yoiri atiri savicantajeitarori.

Icantapaaqueri Moiseshi: —Nojajeitaiti, nareetaitaro quipatsi picantaquenari; noneaitiro ocameetsatasanotaque. Oshiocasanoyetapai panquirentsiyetatsiri, te oncoiteayetapempaji. Irotaque oca namayetaqueri shiocayetapaatsiri.

Iro cantaincha yora savicajeitatsiri ineaperotasanota aisati antearoite inampipee ovetsicasanoyetaca cameetsa. Aisati noneajeitaitiri ishanincapeeni Anac antearitasanoyetatsiri.

Ora quipatsiquiniri Négueb irio savicajeitatsiri ishanincapeeni Amalec aisati otoncaariyetapai isavicajeiti hititapee, jebuseopee jeri amorreopee. Impoiji otsapijaqui incajare irosati nijaqui Jordán isavicajeiti iriori canaaneopee.

Ocarataque 40 quitaiteri yamenanontantacarori quipatsi, irosati ipiajeitantanajari inampiqui Cadés caaraiteriquiniri Parán, isavicajeitapaaquenta Moiseshi, Aarón jeri maaroni ishanincapee. Ari icamantayetapaaqueri ineayetaitiri aisati yonijayetapaaqueri chochoquipee yamayetaqueri.