Popular Bible Verses from Josué 10

Share

Yora catsirincaiteri aisati cashiri te irishevatajeaji, irosati itsoncajeitantacari ishanincapeeni Israel quisajeitiriri. Irotaque ocantiri Isanquenare Jaser. Yora catsirincaiteri iquisotapaaque nianqui inquite; irovetaincha omoncarateame aparo quitaiteri te inqueimateji.

Ishinejeitantacariri Tasorentsi ishanincajeitaniri Israel itsoncajeitaqueri amorreopee, yora ishanincapee Josué iquemajeitaqueri icantiri Tasorentsi: “Intimavaquetsita catsirincaiteri anta jenoqui nampitsiqui Gabaón, aisati cashiri intimavaquetsita aisati jenoqui oirincaiteacotapai Aialón.”

Oca imataqueri Tasorentsi, iquemisantaquero icantaqueriri atiri quemisantiriri, te irineimateroji peeraniniri quempetarori oca. Aisati tecatsi neimaterone coajicani; tempa Tasorentsi yamitacojeitaqueri ishanincajeitaniri Israel, imanacoventajeitaqueri.

Ari icantiri Tasorentsi: “Eiro pitsaroacaajeitaritsi, noshinetaquempiri pintsoncajeiteri avinti, tecatsi piajeitavaquempine.”

Aisati icantaqueri: “Eiro pitsaroajeititsi aisati eiro picantashirejeititsi; irointi pishintsishirejeitanaque. Iriotaque Tasorentsi matacaajeiteerine amajeitanteariri quisajeiteeri.”