Qaq somayepi co'ollaq ivita aso atamnaxaqui maye lalamaqte Ñim Nataxala' maye naña ye Jerusalén, nache so lataxala'pi so nhuo' le'ecpi, huo'o so ỹaneuo aso lachetaqtaxanaqte da yaqto' qaltaq qano'oxoosheguem aso atamnaxaqui, qaipagaqchiichiguiña so togoshec lma'. Qaq ye lcata añi nalotaua'a da ỹan ñi 'oonolec somayepi, ivi' cuatrocientos ochenta y ocho kilos so oro, qataq dos mil setecientos cincuenta kilos so lcat plata, qataq cien aso lapotopi so ntaxaỹaxanaxanecpi, nache ỹaneua'a so laponqa'.