Popular Bible Verses from Ezequiel 7

Share

Qataq ỹasaxauga ca nqa'aic ana alom lcat plata, qataq ỹasaxauec na lalamaxat lcat oro, 'eeta'am naqa'en ca lasogoñi. Qaq na lalamaxat oro qataq ana alom lcat plata, saishet qome da nca'alaxatec namayepi que'eca na'a'q maye huaigui da lalemataic Ñim Nataxala'. Qataq saishet da vi'iiguet na lqouaxa, cha'aye na lalamaxat oro nachena na ỹo'ot da talec namayepi da qauem.

Nache ca nta'a ỹaayiñi qome caua alogo maye lasouaxaqui', qaq ca nataxala' qalaq huetaigui qome da laquicoxo, qaq na nhuo' le'ecpi qalaq iviloxol qome. Cha'aye Aỹem sanem qome namayepi cam naigui na ỹo'otpi, qataq ñimit nam lasouaxashetpi, 'eeta'am namayepi naxa da huo'o na nmit. Qaq huaña nache ỹaỹaten da nachaỹem maye Aỹem Nataxala'.»

Qaq saishet qome da 'am sechoxoreetac, Aỹem sauo'o qome ca 'anhuaxanaguec souaxat da qauem 'arataxac, qataq so'ot da 'ausheeten nam qauem 'auo'ottacpi maye qaiqaiga. Qaq huaña qome nache 'auaỹaten da nachaỹem maye Aỹem Nataxala'.

Qaq saishet qome da 'am sechoxoreetac, sauo'o qome ca 'anhuaxanaguec souaxat dam qauem 'arataxac, qataq so'ot da 'ausheeten nam naigui nam 'auo'otpi maye qaiqaiga. Qaq huaña nache 'auaỹaten da Aỹem Nataxala' maye so'ot da 'anhuaxanaguec.