Popular Bible Verses from Ezequiel 18

Share

ye Aỹem sa saỹamaxaren da huo'o ca ileu? Ña qoquiỹa'ai qome da qauem nache qanca'alleeuec. Qaq 'era da ỹa'aqtac Aỹem Nataxala'.

Qaq nachecata cam huo'o ca lasouaxashet da ileu qome. Qaq cam ñalec saishet da isheeten ca lasouaxashet ca lta'a, qataq cam nta'a saishet da isheeten ca lasouaxashet ca llalec. Qaq ca no'on da lataxac, qalaq ỹaconeguet qome ca lasheechiỹaxac ca nalochiguiñi lataxac maye ỹo'ot, qaq ca qauemaic qalaq ỹaconeguet qome ca nhuaxanaguec souaxat dam qauem lataxac.

Qoquiỹa'ai qome 'enauac nam qauemsat maye ỹo'ot da Aỹem qauataiỹa'aguet, nache qanpogoxoiñiỹapegue' da dalaxaic da qarquiyaqteỹaxaqui, qataq da saq cha'a qarca'alaqai. ¿Ta'ainco' taxa da qaullivi qami' Israel le'ecpi

Aỹem saishet da saỹamaxaren da ileu ca qauemaic, maye nacherata da camaye naralaxat da lataxac, nache nca'alec. Qaq 'era da ỹa'aqtac Aỹem Nataxala'.

Qalaxaye ca qauemaic da ỹaxaañi 'enauac nam lasouaxashetpi maye ỹo'ottac co'ollaxa, nache ipaqueelec 'enauac nam iqataxacpi, qataq ỹo'ot nam ỹaỹamaqchiguiñi qataq no'on lataxac, nache camaye ỹoqta 'eesa da nca'alec, qaq saishet qome da ileu.

qataq ipagaqchiichigui da lataxa'c naua iqataxaco, qataq ipacchigui da lataxac na ỹamaxasoxonaxacpi. Qaq que'eca ỹale nacheca ca ỹoqta 'eesa da no'on da lataxac, qaq ỹoqo'oye camaye nca'alec qome. Qaq 'era da ỹa'aqtac, Aỹem Nataxala'.