Popular Bible Verses from Éxodo 8

Share

Nache so 'oiquiaxaipi nataqa'en huotaique da nauegueuo ana 'aỹat qalaxaye saỹañoxot. Qaq ỹoqo'oye aso 'aỹat ỹataqta lamaaxa sa ỹauo'o ca ldaqa' so shiỹaxauapi qataq so shiguiỹacpi. Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

nache Ñim Nataxala' 'enapego' so Moisés, 'eeta': «'Anqo'oneua'a qome ñi faraón, nache qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Qaq qom saishet da 'aua'aqta'a da jec namayepi nache aỹem seuaxanec qome aca miỹo 'enauac na 'ana'alhua.

Nache Ñim Nataxala' 'enapega so Moisés, 'eeta': «Qonapega qome ñi Aarón da ỹachaxaasheguem aca lashelte. Ime, qaq iuaxanoigui ca namoxoỹaxa da yaqto' nañigui 'aỹat nache talec 'enauac na Egipto».

Qaq 'era da 'eetec Ñim Nataxala'. Ime, qaq anac aso ỹataqta qalota ncoga, nache taua'a so lma' lta'araic so faraón, qataq so lma'pi so ltauapi qataq 'enauac ye 'alhua Egipto. Qaq souaxat aso ncoga, nache 'enauac ye 'alhua na'aqchet.