Popular Bible Verses from Éxodo 20

Share

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac. Saishet qome da 'auauo'o ca ỹaqauga 'anatamnaxala'pi, nachaqaỹemta.

Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat. Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Qantooñita'ac qome ye na'a'q mataxaqui, da qauỹochiỹauga da ỹataqta ỹalamaxat.

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Seis caua na'axa'te da qauo'onataxañiitac qataq qaumachiỹaiguilo 'enauac cam huotaique da qauo'oche, qalaxaye que'eca na'a'q siete maye mataxaqui, camaye qauỹochiỹauga da ỹataqta ỹalamaxat. Saishet da huo'o ca qauacoñiigui no'onatac que'eca na'a'q, nataqa'en ca qaỹa'alquipi qataq aca qaỹa'alliipi, nataqa'en ca qarlataquipi qataq aca qarlataipi, ivira'a ca 'atetpi qataq ca shiỹaxaua chegaqauec maye qami' netaiguilo.

Saishet da 'auqopitta'a ca lma' ca 'arỹa, qataq saishet da 'auqopitta'a aca lhua ca 'arỹa, huo'otaq ca l-latac, huo'otaq aca l-lata, huo'otaq ca lauegaxanaxala' huaca, nataqa'en ca lalo 'ashena, huo'otaq camachaqca nam logoxoshetpi».

Saishet da 'am tenataxanaxaic da choche 'auo'ot ca lasouaxashet ca 'arỹa.

Saishet da 'arauañi' aca sa 'arhua.

Saishet da 'aualaataxan.

Saishet da 'aucache.