Popular Bible Verses from 2 Tesalonicenses 2

Share

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

Qalaxaye qomi' nache 'eetai' da sanaqtacot da qana'achecỹaxac Ñim Lo'onatac 'Enauacna souaxat da qoñiita, Ñimaye qami' ỹauoteque qataq qami' lca'agui'she, nache 'eetai' da chegoqta'ague co'ollaq saxanaqca 'enauacna yaqto' qanca'alliueeguesop de'era lhuaxanaxanaxac. Qami' lca'agui'she, ỹachegoxotchigui So Saqcha'a Na'añaxac da qami' iỹotaugalo da ỹauo'oi qami' lalamaqa'ate, cha'aye souaxat da qauacoñiiguet da no'on na'axaỹaxac.

Que'eca ỹale ỹataqta npa'aguene' Ñim Lo'onatac 'Enauacna qataq ivira'a 'enauac nam qoỹanot Ñimaye. Ivira'a da naña naqa'en ca nso'onqa' añi no'onaxanaxaqui late'erai da qaỹo'oxoren Ñim Lo'onatac 'Enauacna, qataq camaye huotaique da qanatameetacot da 'ena'am Ñim Lo'onatac 'Enauacna.

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto, da ỹa'añaqchet da qarquiyaqteỹaxaqui, qaq damaye yo'oq chegoqchiguilo naua no'o'n qara'aqtaqalli' qataq nam qauo'oche'.

Ỹoqo'oye Ñim Lo'onatac 'Enauacna hua'axaỹa'a namayepi da quegue da nsomaxac, yaqto' ỹa'amaqten da choche natenataxanaxac.

Da lviraxac que'eca 'etaxaloxoic nactaigui da ltaunaxanaxac so pa'aguenataxanaxaic, nache da lviraxac ỹataqta lta'araic da la'añaxac, ỹo'ot na na'anec qataq ỹo'ot na sa qaỹauanapega. Do'onataxana 'enauac na ỹotta'a't sa ỹaỹamaxañisat da choche ỹatenachet na shiỹaxauapi maye taỹa'a da nhuaxanaguec choche tatec, cha'aye mashe saishet da ỹaconeguet da 'eesa lataxac maye chegaqaigui da nca'alaxa.

Cha'aye de'era 'eetapeguec maye saqcha'a, damaye mashe huo'o nagui; nachaqrata da saxanaxa da qanqateeguesop nam nqanaxattac que'eca ỹale.