Popular Bible Verses from 2 Corintios 1

Share

¡Sanaqtacot da qana'achecỹaxac Ñim Lo'onatac 'Enauacna maye Lta'a So Qarataxala' Jesucristo! Cha'aye Ñimaye ỹataqta soxoraic qataq huotaxanaqtaqaic qataq nache 'eetai' da qomi' itauaata'ape. Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

Qomi' ỹataqta lta'araic da qanque'eenaxac shenaqta'am da nque'eenaxac So Cristo. Qalaxaye nataqa'en chegoqchigui Somaye, da Ñim Lo'onatac 'Enauacna qomi' ỹa'añaqche't.

Mashe sanomaqta da shenaqta'am ca ỹaguec na lasouaxashet da taỹa'a qanqa'en da nalaataguec. Qalaxaye damaye qomi' ỹapaxagueneque da saishet da maiche ñipi'iỹaqteguela't, nachaqrata da sepi'iỹaqa'a Ñim Lo'onatac 'Enauacna, Ñim ishet da na leuaxaicpi ỹe'eguelaxa naqa'en da nca'alec.

Qataq nacheñi Ñim Lo'onatac 'Enauacna, Ñim qomi' ỹanema qataq da qoñiita da ña'araqtaua'a So Cristo, qataq nacheñi Ñi qomi' lca'agui'she. Qataq da ỹachaxan da qomi' lalamaqa'ate, nache ỹauo'o da qana'anaxat: qomi' ỹanema So Saqcha'a Na'añaxac Qui'itta.

Huo'o da qanque'eenaxac da yaqto' qami' ishet da qauamaichiguiñi, qataq qauacoñiiguet da nca'alaxa. Ñim Lo'onatac 'Enauacna qomi' itaua'n da yaqto' seshetaq da qami' sa'añaqcheta'q. Yaqto' qami' ishet da qauañoxoche da qoviilec da qarhualaxaviqui da qauataiỹa'aguet da qarqalaiqui qataq da qanque'eenaxaqui maye nataqa'en qomi' sataqta'aguet.