To bajiri, ado bajiro yiyuju Espꞌiritu Santo, Felipere:
—Ĩ tʉbʉsa vacõari, ĩre baba cʉti vasa mʉ —yiyuju, Felipere.
To bajiri ĩ tʉ vaejacõari, ajiyuju, Diore gotirẽtobosamasirꞌi Isaꞌias ĩ ucamasirere ĩ buesere ajiyuju Felipe. Tire ajicõari,
—¿Mʉ buesere ajimasiati mʉ? —yiyuju Felipe, Etiopꞌiagʉre.
To ĩ yirone:
—“To bajiro yirʉaro yaja”, yiajimasibeaja yʉ, ñimʉ yʉre ĩ gotiro cõro —yiyuju ĩ, Felipere. To yigʉne, —Yʉ tʉ vasãjagʉaya —yiyuju Etiopꞌiagʉ.