Popular Bible Verses from 1 Pedro 3

Share

Can tiya' ruk'ij ri Dios ri Iwajaf pa tak iwánima, ruma Riya' can lok'olaj wi. Y can tichojmirisaj iwi' riche (rixin) chi nitzijoj ri achique ruma tek iwoyoben ri rutzil ri Dios, tek c'o jun ri nic'utun chiwe. Y xabachique c'a ri nic'utun chiwe, riq'ui ch'uch'ujil y riq'ui ronojel iwánima tibij chare achique ruma tek can cukul ic'u'x iwoyoben ri nutzuj (nusuj) ri Dios. Y tek niben queri' can ta yix ch'ajch'oj, man ta jun etzelal iwuq'ui ri xa nuben chi nik'axo ri iwánima. Riche (rixin) chi queri', wi c'o jun winek itzel nich'o chiwij ruma iniman ri Cristo y nubij chi ma utz ta ri ic'aslen, ri itzel nich'o chiwij, xa xtiq'uix ka ruma ri ic'aslen xa utz.

Ruma ri Ajaf can yerutzu' ri winek choj quic'aslen. Y can nrac'axaj ri qui'oración. Yac'a ri yebano etzelal, ma utz ta nutz'et chique. Queri' nubij ri ruch'abel ri Dios ri tz'ibatal ca.

Y riyix ixoki', can utz wi chi niwik iwi', pero ma riq'ui ta cosas ri ye banon riq'ui k'anapuek, ni ma rajawaxic ta nicusaj tziek ri sibilaj jabel nitzu'un, ni ma rajawaxic ta chi sibilaj ruchojmirisaxic ri rusmal tak iwi' niben. Xa titija' ik'ij riche (rixin) chi ya ta ri iwánima jabel wikil chuwech ri Dios. Tiwika' iwi' riq'ui jun c'aslen ch'uch'uj y riq'ui jun c'aslen ri nuc'ut chi jabel ina'oj. Ruma ri wikbel ri' ma xtiq'uis ta, y yari' ri más rejkalen chuwech ri Dios.

Ruma quec'are' nubij ri ruch'abel ri Dios ri tz'ibatal ca: Wi c'o jun winek nrajo' jun c'aslen riche (rixin) quicoten, y wi nrajo' chuka' nberila' k'ij ri sibilaj jabel, tuk'ila' ri rak' riche (rixin) chi ma nubij ta ch'abel ri xa ma ye utz ta, ni ma tucusaj ta chuka' ri ruchi' riche (rixin) chi nubij tzij riche (rixin) chi nik'olon. Tuya' c'a ca rubanic ri etzelal, y ya ri utz ri tubana'. Tucanoj ri c'aslen riche (rixin) uxlanibel c'u'x y yari' tutzekelbej.

Pa ruq'uisbel nbij c'a chiwe chi'iwonojel chi can junan iwech tibana'. Wi c'o jun chiwe ri c'o nuc'ulwachij, can tina' c'a chuka' riyix ri k'axon ri nuna' riya' pa ránima. Tiwajo' iwi' chi'iwach'alal iwi'. Tijoyowala' iwech. Utz ina'oj tibana' quiq'ui quinojel. Y tek niban jun pokon chiwe, man c'a titzolij ta ruq'uexel. Y tek nibix ch'abel ri sibilaj ye pokon chiwe, man c'a chuka' titzolij ta ruq'uexel, xa tic'utuj chare ri Dios chi tuto' ri winek ri nibano queri' chiwe. Ruma ri Dios can yix rusiq'uin (royon) wi riche (rixin) chi nic'ul bendición.

Majun xtibano pokon chiwe, tek riyix xa can ya ri utz ri yixtajin chubanic.

Tuya' c'a ca rubanic ri etzelal, y ya ri utz ri tubana'. Tucanoj ri c'aslen riche (rixin) uxlanibel c'u'x y yari' tutzekelbej.

Ruma wi ruraybel ri Dios riche (rixin) chi riyix nitij pokonal astape' ya ri utz ri yixtajin chubanic, ri' sibilaj jabel, que chuwech nitij pokonal xa ruma c'o etzelal ibanalon.