Popular Bible Verses from Salmos 51

Share

Chiga Quitsa, ña injama'choma cuname agattoenjan. Ccase ñama quiñaejan ña egae tsonsa'ne.

Ña tayoe que ccushaen'choi'ccu avujatssiqquia'caen ccase ñama avujaenjan. Ñama in'jaenjan cuintsu ña ccase que in'janqquia'caeñi canseye.

Que'ye ñama joqquitssianjama. Que Qquendya'pa ñani jinchoma itsajama.

Tsa'ma ñoa'me tisu egae tson'choma chi'gapa Chigama in'jamba iñajan'cho tsu Chigama avujaen. Tisu egae tsincon'chone ñombi'ye'ninda tsu Chigaja chi'gaya'bi.

Chiga Quitsa, que pa'cco in'jan'choi'ccu ñama anttembe'yi in'jamba mendeyeja. Que ñama mendeye'choi'ccu ña in'jangae tsincon'choma joqquitssianjan. Cashi catija ña in'jangae tsincon'choma. Ccucha catija ña egae in'jan'choma.

Canttini'cco tosei'ccu ñama cashija tsayita gi giya'tssiya. Ñama cashija cuintsu ñajan chandisu'ccoma ti'tsse tototssiye.

Quema gi da'ño, tansien quene gi shacapa. Tansien que su'choyi tsu ñoa'me su'cho. Que ñama injama'choma somboeñe su'chota tsu ñoa'me ñotsse su'cho.