Popular Bible Verses from Mateo 7

Share

Iñajan'da qui isu'faya. Ttatta'ta qui atte'faya. Sombo'ttima tssai jeña'ninda na'su tsu fettaya.

Poiyi'cco majan Chigama iñajan'da tsu isu'faya. Poiyi'cco majan Chiganima jongoesuve tta'tta'ta tsu atte'faya. Poiyi'cco majan tssai jeña'ninda Na'su Chiga tsu fettaya cuintsu ca'niñe.

Majan a'i ña aya'fama pañamba tson'da injama'pa tsao'ñasia'can tsu. Tso'sitsse dya'dyapa fattocconga ta'etsse tsa'oma dyaiña.

Que'i in'janqquia'caen cuintsu cca'indeccu que'ima tsoñe in'jan'da tise'panga'qque tsa'caen tson'faja. Qquen tsu Chiga manda'cho, Chiga Aya'fama afasundeccu su'cho'qque atesian'jen.

Aiye'pambi tsu tsangae catiyeya'chove jaye. Attajatssia sombo'tti'ye ca'niqquia'caen chonde'tssia tsaiquipa aiye'pambi tsu jacañe. Tsain'bio a'i tsangae ca'nimba jacan'fa. Tsa'ma aiye'pa tsu tsangae canseya'chove jaye. Ta'yoquiccoa sombo'tti'ye ca'niqquia'caen vanamba tsu tsa tsaiqui'ye jacaña'cho. Re'ricco a'i tsu tsangaé jaya'chove atte'fa. Tsa'ma que'ija tsa ta'yoquiccoa sombo'tti'ye ca'ni'faja.

Aiye'pambi tsu tsangae catiyeya'chove jaye. Attajatssia sombo'tti'ye ca'niqquia'caen chonde'tssia tsaiquipa aiye'pambi tsu jacañe. Tsain'bio a'i tsangae ca'nimba jacan'fa. Tsa'ma aiye'pa tsu tsangae canseya'chove jaye. Ta'yoquiccoa sombo'tti'ye ca'niqquia'caen vanamba tsu tsa tsaiqui'ye jacaña'cho. Re'ricco a'i tsu tsangaé jaya'chove atte'fa. Tsa'ma que'ija tsa ta'yoquiccoa sombo'tti'ye ca'ni'faja.

Me'i. Que'ija tsa'caen ño'ambi. Tsa'ma tisu dushundeccunga ñotssiama afeye qui atesu'fa. Tsa'caen tson'fasi ñoa'me tsu que'i Sefacconi'su Na'su Chiga Quitsaja bove ñotssiama afeya. Nane majan Tisema iñajansi tsanga tsu ñotsse afeya.

Cca'i egae tsincon'choma ttatta'fajama. Tsa'caen tta'ttambian'da Chiga'qque que'i egae tsincon'choma tta'ttaya'bi. Nane que'i cca'i shacama tta'ttapa suqquia'caen tsu Chiga'qque que'i shacama attepa suya. Que'i cca'indeccu egae tsincon'choma agattoqquia'caen tsu Tiseja que'i egae tsincon'choma'qque agattopa shacama atteya.

Tsa'ma majan a'ija ña aya'fama paña'ma tsa'caen tsombi'ta faesu sumbi tsao'ñasia'can tsu. Tsaja sisipandunduni tsao'ñasi

¿Mingapa qui faenga'su tso'fe ccappi'choma atteqquia'caen tise egae tsincon'choma atte'fa? Tsa'ma tsama attepa tisu tso'feni quini'cco eje'choma qui atesu'fambi. Tsa'cansi toya'caen qui que faenga'suma su: “Faenga'su, ñajan que tso'fe ccappi'choma somboeña.” Tsa'ma qquen supa tisu tso'feni quini'cco eje'choma atesumbiqquia'caen que'i egae tsincon'choma qui atesu'fambi.

Injama'tse Chiga Aya'fama afa'su qquen supa afopoensundeccu que'ima qqueñasa'ne. Nane tsendeccuja oveja'caen opave attiamba injama'choni putsa'su ain'caen que'ima dañoñe in'jan'fa. Quini'jin teta'choma attepa qui quini'jima atesu'fa. ¿Anccosi'jinga ja'ta ti a'ija tsajama pisho'fa? ¿Nojansifaccunga ja'ta ti a'ija higuera teta'choma pisho'fa? Me'i.

Nane ñotssia teta'choja ñotssia quini'jinga tsu na. Tsa'ma ega teta'cho tsu ega quini'jinga na.

Ñotssia quini'jinjan ega teta'chove nambi. Ni ega quini'jin'qque ñotssia teta'chove nambi.

Majan quini'jin ñotsse nambian'da a'ija tsama ttuttupa si'tsipa oque'fa.