Popular Bible Verses from Josué 1

Share

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Anttejama va Chiga manda'choma camba afaye. A'ta, cose'qque tsane in'janjan pa'cco tsanga tevaenqquia'caen tsomba canseye. Tsa'caen tsomba qui ñotsse nanimba ñotsse an'biaña.

Dyombi'tsse quinse'tsse ccutsuja. Ñotsse in'janjan pa'cco ña Moisésnga su'cho manda'choma pañamba tsoñe. Ni ma'ttiveyi'qque aqque'pambitsse tansintsse tsonjan ñotsse naningeye.

Pa'cco que cansuite gi quema quiñaeña faesu quema joqquitssiansa'ne. Ña Moisési'ccu can'jenqquia'caen gi quema'qque quiñaeña. Minguite'qque gi quema tisuveyi catiya'bi.

Dyombi'tsse quinse'tsse ccutsuja. Tayo gi va aindeccumbe tayopisundeccunga conda va andema afeya'chove. Queja tsama attufaen'su.

Nane ña Moisésnga suqquia'caen gi pa'cco mani que'i tsu'ttei'ccu tsui'je'cho andema que'inga afeya.

“Ñama shondo'su Moisésja tayo pa. Tsa'cansi ja'ñojan que qui poiyi'cco va israendeccui'ccu ñoñamba Jordán na'ema isepa ña que'inga afeya'cho andenga ca'niña'cho.

Na'su Chigama shondo'su Moisés pasi Na'suja Nun dutssi'ye Josué, tsa Moisésma fuite'sui'ccu afapa qquen su

Que'i andeja a'i menia'ñe ashaemba já Líbano toya'caen tsa rande Eufrates na'empi ne'pitssiya. Nane pa'cco hitita'su ande mar randepi gi que'inga afeya.

Majan quema pañañe chi'ga'ninda tsu tsamajan fi'ttiya'cho. Nane dyombi'tsse quinse'tsse ccutsuja.

“Japa poiyi'cco a'inga conda'faja cuintsu osha'chove ñoña'faye. Tres a'tangae gi Jordán na'ema ise'faya'cho Na'su ingi Chiga inginga afeye su'cho andema itsapa an'biañe. Ingi'beya tsu.”