Popular Bible Verses from Job 2

Share

Tsonsi tise pusheja su: —¿Toya ti qui ñotsse tson'su qquen in'jan? ¡Chigama afasepa paja! Tsa'ma Jobja su: —Pushesu, ¡sumbia'caen afajama! Ñotssiama Chiga afesi avujatsse isu'ta, ¿jongoesie gi egama'qque isuya? Tsa'caen vana'jen'an'qque Jobja ni aya'fai'ccuyi'qque egae tsincombi.

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi. Toya'caen que ñama iñajamba pa'cco tise an'bian'cho, tise du'shuma injanga itsa'ni'qque toya tsu tiseja egae tsincombi.

Tsonsi Na'su Chigaja Satanama su: —Ñotssi tsu. Tisema ma'caen in'jan'da pporaencanjan, tsa'ma fi'ttimbe'yi.

Jobja tres amigondeccuve an'bian. Temán ande'su Elifaz, Súa ande'su Bildad, toya'caen Naamat ande'su Zofar. Tsendeccuja pa'cco Job ma'caen vana'jen'choma pañamba tisema can'su jiye asi'ttaen'fa. Asi'ttaen nanimba ji'fa aya'fai'ccu fuitepa fae'ngae can dyaiye. Jipa biaccayi Jobma can'boen ccutsu'fa. Nane Jobnga qquepa can'boemba fundopa i'na'fa. Tsa'caen ñombi'yepa tise'pa ondiccu'jema chitta ttovapa andema'qque sefaningae pa'fu ganga'fa. Toya'caen tsovenga'qque andema ovivi'fa. Tsomba tisei'ccu fae'ngae andenga dyai'fa. Siete a'ta, siete cose tseni can'jen'fa, ni fae aya'faveyi'qque afambe'yi. Nane Jobja dyo'oe iñesi ñoa'me vana'jen qquen in'jamba afa'fambi.