Popular Bible Verses from Deuteronomio 6

Share

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Anttembe'yi que'i dushundeccunga'qque tsama condase'faja. Tisu tsaoni dyai'a'qque tsambi'ta tsaiqui'ye jayi'a'qque tsane condase'faja. Nane anañe ccui'a'qque, toya'caen sinte qquendyapa jangi'a'qque tsane condase'faja.

Ña ja'ño a'ta Chiga manda'choma que'inga atesian'choma injama'chonga ñotsse in'jan'faja.

Israendeccu paña'faja: Na'su, ingi Chiga, tsayi tsu Na'suja.

Que'i tive tandan'fanga toya'caen otifaccunga'qque ña manda'choma tevaen'faja.

Toya'caen que'i tsa'o sombo'ttinga tsa'o dyaiña'chonga'qque tsama tevaemba ancaen'faja.

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa. Canqque'su tsaoni tsu osha'cho ñotssia jincho, que'i chavambi'choa. Tsa'ccu poso'qque tsu jin, que'i changoembi'choa. Toya'caen tsu o'fa tsajaccu, olivoccu'qque jin, que'i jombi'choa. Tsa'ma tsesuma ttepputsse amba aqque'pa'fajama Na'su que'ima Egipto'su sema'jen'cho'ye somboen'suma.

Qquen tsu Na'su que'i Chigaja tise manda'choma afapa manda ña que'inga atesiañe cuintsu que'i an'biaña'cho andeni can'jemba tsama pañamba tsa'caen tson'faye. Tsa'caen tson'jemba qui que'i dushundeccui'ccu Chiga que'i Na'suma ñotsse tson'faya. Poi a'ta, poi canqque'fa tsa'caen canse'fasi tsu Na'suja antteya que'i tsain'bitssi canqque'fave canse'faye.

Tsa'caen tson'ninda tsu Na'suja camba avujatssipa tsa que'i tayopisundeccu'yenga jai'ngae afeya'cho qquen su'cho ñotssia andema que'inga afesi qui ca'nimba opatsse cansepa an'bian'faya.

Nane tsa'suma iñajan'ninda tsu Na'su que'i Chigaja, cca'i'su chigandeccuma chi'gapa, iyicca'yepa que'ima tsangae nepiaña.

Pporotsse canjen'su israembindeqquiambe chigandeccuma iñajan'fajama.

Qqueñacan qquen tson'fajama Na'su que'i Chigama Masahni can'jemba tson'faqquia'caen.