Popular Bible Verses from Románolachi 4

Share

Tsan josanan, Diosichi fiquiri tsa jochunae tito quereiniinue natiya peleituto. Diosi ticatiya queyanae titori tsanno podeichunae tito tsarasica quereinue. Diosica duque seque pato, fe quereide quereide jinaminue.

Aman Diosi yachi pilabi junca chuteca joe. Junni jun pilabi Abrahanbe pato, nuca duque serawono joyoe tinue. Aman Abrahanni Diosibe cayaica jonan, Diosichi cate chiquilanan yachi alicala jolajoyoe. Diosiri duque sonban joto, puyacalaca mansonhisa carin, titiya itonunca isa mantaquin, quimin joe. Junni Diosi tsanque sonban joto, Abrahanbe pato itsantinue: Nuca duque serawoto, nuchi alicalaca duque tsachi bolon suwano joyoe tinue. Junni tsanquenan amana chiquilari yachi alicala jolajoyoe.

Chiquilachi tenchinan pila chuteca joe. Chiquilachi Miya Jesús chiquilachi jutsa tenchi puyaca jominca Diosi mansoncarinue chiquilaca sen jolajoe tichun. Junni Jesuca mansoncariminbe cayainari, chiquilacanan sen jolajoe tichunae.

Junni Diosi nuca duque serawono joyoe tino mate Abraham unica jotonan, na caquiratuca jominue. Junni Abrahanni na caquiratuminnan jun fiquica meráto, Diosica tsarasica quereito meraniraminue. Náca quirasa carichunaeque tenca cato méraminue. Uyan tsachila quereituntsan jonuncanan yari quereiniimin jominue.

Jun tenchi Diosi ticatiya epe cuwano joto, itsantinue: Mantá chutecaca meráminlachisiri cuwano itoyoe tinue. Diosibe cayaiminlachiri cuwanae tinue tsachilaca laquichisiri cuwachun. Tsan jotori, jerale Abrahanchi alicalari tsarasi cano podeilaichunae. Diosichi tsachilari weyanlari israelítala joto Abrahanchi tsa alicala jolajoyoe. Weyanlari Abraham cuwenta Diosibe cayaiminla joto, yachi alicala cuwenta jolajoe. Tsanque jeralela Abrahanchi alicala patilaiyoe.

David itsanque pila chutenue: Seiton quiminlacanan Diosi perdonainari, son jolajochunae. Jutsa quiminlacanan jutsaca piyarinari, son jolajochunaeque chuteca joe. Miya Diosi jutsa tenchi culpa quituca junlari son jolajochunaeque chuteca joe. David tsanque pila chuteca joe.

Junni Diosichi Pilaca quirato, miilaide! Diosichi Pilabi Abrahanca pato, itsantinue: Abraham Diosibe cayainun tenchi Diosi yaca sen joe tinueque chuteca joe.