Popular Bible Verses from Openboarunk 21

Share

Un Gott woat an aule Tronen von de Uagen weschen. Doa woat kjeen Doot ooda Trua ooda Hielen ooda Weedoag mea sennen, wiels waut verhäa wia, es veschwungen.

Dan säd dee, dee opp däm Troon saut: Kjikjt emol! Ekj moak aules nie. Un hee säd to mie: Schriew, wiels dise Wieed sent woarhauftich un opp to veloten!

Un ekj hieed eene lude Stemm vom Himmel sajen: Kjikjt emol, nu es Gott siene Woninj manke Menschen! Un hee woat met an toop wonen, un see woaren sien Volkj sennen, un Gott selfst woat met an sennen un äa Gott sennen.

Un hee säd to mie: Daut es jeworden. Ekj sie daut A un daut Oo, de Aunfank un daut Enj. Wäa doa darschtich es däm woa ekj rikjlich un emsonst von daut Wota ut de Läwenskjwal to drinkjen jäwen.

Wäa em Kaumf bestonen blift, woat daut aula oawen, un ekj woa sien Gott sennen, un hee woat mien Sän sennen.

De vezoachte oba, un de onjleewende un de oppscheiselje un Merda un Huara un Zaubra un Aufjettadeena un aule Lieeja woaren äaren Plauz em Fiasee haben, dee met Schwäwelblitt brent. Dit es de tweeda Doot.

Un ekj sach een nieen Himmel un eene niee Ieed, wiels de ieeschta Himmel un de ieeschte Ieed veschwungen, un doa es uk kjeen Mäa mea.

Dan sach ekj, Johanes, de heilje Staut, daut niee Jerusalem, von Gott ut däm Himmel rauf komen, aus eene utjestraumde Brut, reed fa äaren Maun.

De Staut haft daut uk nich needich daut de Sonn ooda de Mon doa nenn schienen, wiels Gott siene Harlichkjeit schient doa nenn, un daut Laum es äare Laump. Un dee seelich jewordne Velkja waundlen en äa Licht. Un de Kjennichs opp de Ieed woaren äare Harlichkjeit doa nenn brinjen.