Popular Bible Verses from Openboarunk 11

Share

De säwenda Enjel blosd siene Trompeet, un dan wieren em Himmel lude Stemmen, dee säden: Nu haben ons Har un sien Christus de Harschoft äwa de gaunze Welt von de Kjennichs jenomen, un woaren von Eewichkjeit to Eewichkjeit rejieren.

De Velkja haben sikj veoajat, un diene Rach es jekomen, un de Tiet de Doodje to rechten, un diene Deena de Profeeten, un de heilje un aule, auf kjlien ooda groot, dee dienen Nomen ferchten, äaren Loon to jäwen, un omtobrinjen, dee de Ieed vedorwen haben.

Un ekj woa miene twee Zeichnisjäwa, dee met Sakj jekjleet sent, Krauft jäwen 1.260 Doag profeetisch to räden.

Oba om dree un een haulwen Dach fua en an wada de läwendja Jeist von Gott nenn, un see stunden wada opp de Feet. Un dee daut sagen, dän wort ferchtalich angst.

Dise haben Macht, dän Himmel tootoschluten, daut et nich räajent, soolang aus see profeetisch räden. Dee haben uk de Krauft de Wotakjwalen to Bloot to moaken, un kjennen Ploagen äwa de Ieed brinjen, soo foaken aus see wellen.

Daut sent de twee Oliewenbeem, un de twee Laumpenhoola, dee ver dän Gott äwa de Ieed stonen. Un wan an irjentwäa Schoden aundoonen well, spieen see Fia ut däm Mul un brinjen äare Fiend om. Dit es, woo dee dootjemoakt woaren, dee an wellen Schoden moaken.