Popular Bible Verses from Spricha 19

Share

Daut Menschenhoat kaun väl plonen, oba bloos däm HARN sien Rot woat bestonen.

Waut du de oame jefst, liest du däm HARN, un dee woat die daut trigjtolen.

Weisheit moakt eenem jeduldich, un daut äwaseenen wan eenem jestat woat, es eene Iea.

Horch wan du Rot kjrichst un belieet woascht, daut du no däm kaust weis sennen.

Däm HARN ferchten, jeft eenem Läwen, un moakt eenem doarenn tofräd; däm saul daut beese nich trafen.

Wäa aun Weisheit toonemt, es siene ieejne Seel goot, un wäa vestendich blift, finjt daut goode.

Belia dienen Sän soo lang aus doa Hopninj es daut hee lieren woat; wan du daut nich deist, halpst du am sikj selfst en de Grunt to brinjen.

Wäa faulsch zeijen deit, woat nich onjestroft bliewen, un wäa frajch Läajes rät, woat omkomen.