Popular Bible Verses from Josua 7

Share

Israel haft sikj vesindicht. See haben mienen Bunt jebroaken, waut ekj met an jeschloten hab. See haben von daut Jebaunde jenomen, un haben daut jestolen un jeheem mank äare Sachen jelajcht!

Sto opp, moak daut Volkj reed un saj: Doot junt to morjen reinjen! Soo sajcht de HAR, Israel äa Gott: Jie haben Sachen bie junt, waut unja däm Baun stonen. Jie woaren ver june Fiend nich mea bestonen kjennen, bat jie daut Jebaunde ut june Medd rutjeriemt haben.

Doawäajen woaren de Israeliten nich bestonen kjennen ver äare Fiend, un woaren äare Fiend motten dän Rigjen dreien, wiels see stonen selfst unja dän Baun un sent dän Unjagank utjeleewat. Ekj woa junt nich mea biestonen, wan jie nich daut Jebaunde ut june Medd utroden.