Popular Bible Verses from Jeremia 23

Share

Wan sikj een Maun em stellen vekjript, meest du ekj see däm nich? frajcht de HAR. Ekj fell doch dän Himmel un de Ieed opp, sajcht de HAR.

Un de HAR vesprakjt, daut doa woat eene Tiet komen, dan woat hee eenen, dee von David aufstaumt, un dee rajcht haundelt, toom Kjennich moaken. Dee woat rejieren un weis haundlen, un woat een jerajchtet Jerecht em Launt fieren. To däm siene Tiet woat Juda jeholpen sennen, un Israel woat onjestieet läwen. Däm Kjennich sien Nomen woat “De HAR, derch däm wie jerajcht sent” sennen.

Woo saul daut bloos met de Leidasch, dee äa Volkj loten omkomen un vestreit woaren, sajcht de HAR.

Un ekj woa dee, dee von mien Volkj äwabliewen, von aule Lenda, wua ekj an wajch jejoacht hab, saumlen. Ekj woa an trigjbrinjen no äa Launt, daut see doa weiden un toonämen un een grootet Volkj woaren kjennen. Un ekj woa Leidasch saten äwa an, dee an leiden woaren, un see woaren sikj nich mea enjsten ooda jrämen. Un daut woat nich wada aun wäm fälen, sajcht de HAR.

De HAR, dee aules rejieet, sajcht: Horcht nich no de Profeeten, dee to junt profezeien; dee veleiden junt. See sajen, waut see sikj utjedocht haben, un nich waut de HAR jesajcht haft.