Popular Bible Verses from Jeremia 17

Share

Oba de HAR woat däm Mensch säajnen, wäa sien vetruen opp am sat, dee sikj gaunz oppem HARN velat. Dee es krakjt soo aus een Boom, dee aun een Wota steit, un siene Wartlen nom Riefa schmitt. Eendoont wan daut dan uk heet woat, hee brukt sikj nich enjsten; siene Bläda woaren jreen bliewen. Een drieejet Joa beduat däm nich; dee hieet nich opp met Frucht droagen.

Wäa kaun daut vestonen, daut Menschen soo hinjarigjsch un vedorwen sent?

De HAR vesteit daut Hoat gaunz, hee weet aules, waut doa bennen es; un hee jeft een jiedren krakjt doano, aus dee jedonen un vedeent haft.

Dit es waut de HAR sajcht: Ekj woa däm vedaumen, dee sikj opp Menschen velat, un oppe Krauft von Mana, un nich sien vetruen opp däm HARN sat. Dee woat aus een Struck enne Wiltnis sennen, un niemols waut goodet opp sikj komen seenen; dee woat opp Solt Launt to wonen komen, enne drieeje Wiltnis, wua kjeena wont.

Veheel mie, mien HAR; dan wudd ekj jeheelt sennen. Halp mie soo daut et waut halpt; du best dee, däm ekj preis.