Popular Bible Verses from Rechta 7

Share

De HAR säd to Gideon: Dien Häa es too groot! Soo kaun ekj de Midianita nich en june Henj jäwen. Sest woaren de Israeliten sikj puchen un sajen: Wie haben ons met onse ieejne Krauft jerat!

Dan säd de HAR to Gideon: Derch de 300 Mana, waut daut Wota met de Tung jelekjt haben, well ekj junt raden un de Midianita en diene Jewault jäwen. Daut äwaje Volkj lot aula no Hus gonen.

Doawäajen lot nu derch daut gaunze Loaga bekaunt jäwen: Wäa Angst haft un vezoacht es, dee kaun trigjgonen. Soo deed Gideon dee derchsäwen. Un dan wongen 22.000 om, soo daut mau 10.000 bie Gideon bleewen.

Un de HAR säd to Gideon: Dien Häa es noch emma too groot. Brinj de Mana rauf no de Kjwal, dort well ekj dee selfst utwälen. Ekj woa die sajen, wäa metgonen saul un wäa nich.

Dan fieed Gideon de Mana rauf nom Wota. Un de HAR säd to Gideon: Wäa met siene Tung Wota lekjt, soo aus een Hunt lekjt, däm stal aun eene Sied han; un wäa sikj hankjneet om to drinkjen, däm stal aun de aundre Sied han. Dan wia daut eene Zol von 300 Mana, waut met de Tung Wota ut de Haunt jelekjt hauden. Aul daut äwaje Volkj haud sikj opp Kjneeen jelajcht un jedrunken.