Popular Bible Verses from Jesaja 30

Share

Un jiedatsmol, wan jie eenen Wajch ooda dän aundren aufdreien wellen, woa jie von hinja junt hieren: “Daut es de Wajch. Go doa.”

Doaropp, daut hee junt Jnod bewiesen kaun, luat de HAR no junt; hee moakt sikj reed, daut hee junt kaun jenstich sennen. De HAR es een Gott, dee nom rajcht kjikjt; seelich sent dee, dee äare Hopninj opp am haben.

Dit es waut Gott de HAR sajcht, dee wäa en Israel de Heilja es: Wan jie junt nom HARN kjieren un ruich bliewen, woa jie junt raden; wan jie stell bliewen un vetruen hoolen, woa jie stoakj sennen. Oba soo wull jie daut nich.

De HAR woat junt Schwieejet derchkeiwen loten un Betret dolschlucken loten. Oba dan woaren june Liera nich mea vestoaken sennen; un june Uagen woaren no june Lierasch jerecht sennen.

Jie Lied, dee oppem Zions Boajch en Jerusalem wonen, jie woaren nich lang hielen brucken. Hee woat junt secha jenstich sennen, wan jie am aunroopen. Hee woat soo schwind auntwuaten, aus hee junt hieet.

Woo woat dee Menschen daut gonen, dee soo jäajenaun sent, sajcht de HAR. Jie nämen junt onen mie Sachen väa; jie moaken een iernstet Vespräakjen onen daut jie no mienen Jeist horchen. Un soo lod jie noch mea Schult opp daut, waut jie veschulcht haben.