Popular Bible Verses from Jesaja 11

Share

Opp däm woat däm HARN sien Jeist komen, een Jeist met Weisheit un Vestentnis, een Jeist met Rot un Krauft, een Jeist dee däm HARN kjant un am ieet; däm HARN ieren woat am eene Freid sennen. Hee woat nich bloos doano rechten aus waut hee sitt ooda hieet

Soo aus een Aust ut een Stobben rutwaust, woat eena von David siene Nokomen oppkomen; von dee Wartel woat waut komen waut doa woat Frucht droagen.

hee woat de oame met een jerajchtet Jerecht rechten un de stelle woat hee daut äaje jäwen. Waut hee to sajen haft, woat de Ieed strofen, beese Menschen woaren hanjerecht woaren wan hee met daut Mul pusten woat.

Hee woat daut rajchte doonen un opp sien Stekj bliewen, soo aus de HAR daut haben well.

Doa woat kjeen Schoden ooda vedoawen opp mien gaunzen heiljen Boajch sennen; un soo aus Wota daut gaunze Mäa bedakjt, soo woat en daut gaunze Launt Vestentnis fa däm HARN sennen.

De Wilw un de Lama woaren frädlich toop läwen, de Leopard woat mank de Kosen ligjen, un een kjliena Jung woat Kjalwa un junge Leiws un Mastvee aules toop en eene Häad joagen.

Wan dee Tiet kjemt, woat de Aust dee von Isai woss, daut Tieekjen fa de Velkja sennen. De Lenda woaren dan no dän nieen Leida froagen un doa, wua hee rejieet, woat daut groosoatich sennen.