Popular Bible Verses from Hebräa 9

Share

Soo wort uk Christus een mol jeopfat, om väle Menschen äare Sinden wajch to nämen. Bie sien tweedet mol komen woat hee nich wäajen Sinden wajchnämen komen, oba om dee to raden, dee no am luaren.

wooväl mea woat daut Bloot von Christus, dee onen Fäla wia un sikj selfst derch dän eewjen Jeist Gott opfad, ons Jewessen von de doodje Woakjen reinjen. Un nu kjenn wie däm läwendjen Gott deenen.

Däm Mensch es daut soo bestemt, een mol to stoawen, un dan kjemt daut Jerecht.

Daut Jesaz velangt, daut meist aules met Bloot jereinicht woat, un onen Bloot vejeeten jeft daut kjeene Sindenvejäwunk.

Daut es wuarom Christus de Vemedla vom nieen Bunt jeworden es, daut dee, dee von Gott jewält sent, daut eewje Oafgoot kjrieen, daut an vesproaken es. Derch Christus sienen Doot sent äare Sinden vejäft, dee see unja daut ieeschte Tastament jedonen hauden.