Popular Bible Verses from 1. Mose 35

Share

Un Gott säd wieda, Ekj sie Gott dee aule Macht haft. Muchst du väl Kjinja haben un sea toonämen. Een Volkj un väle Velkja sellen von die aufstaumen. Von diene Nokomen woat daut Kjennichs jäwen. Daut Launt, woont ekj vesproaken hab Abraham un Isaak äare Nokomen to jäwen, woa ekj die jäwen. Un ekj woa diene Nokomen no die daut Launt jäwen.

Wan wie reed sent, well wie no Betel gonen, soo daut ekj doa eenen Aultoa opprechten kaun. Dee es fa dän Gott, dee mie en mienen Trubbel auntwuaten deed un emma met mie jegonen es, krakjt eendoont wua ekj sie hanjegonen.

Un Gott säd to am: Dien Nomen es Jakob, oba du saust von nu aun nich mea Jakob heeten. Du saust Israel heeten. Gott jeef am dän Nomen Israel.

Un Jakob säd to siene Famielje un wäa sest met am wia: Stot aule Jetta von aundre Velkja auf, dee jie haben. Reinicht junt un trakjt fresche Kjleeda aun.

Un Gott säd to Jakob: Pak emol opp, un go no Betel. Moak dien Loaga doa un bu doa eenen Aultoa fa däm Gott, dee sikj die wees, aus du von dienen Brooda Esau ranen deetst.

Oba jrod ea äa Läwen von ar jinkj, wiels see storf dän Dach, nand see dän Jung Ben Oni. Jakob oba, nand am Benjamin.