Popular Bible Verses from Hesekiel 7

Share

See woaren äa Selwa oppe Gaussen schmieten, un woaren äa Golt aus schwiensch aunseenen. Dän Dach, wan däm HARN sien Oaja kjemt, woaren Selwa un Golt kjeenem raden. See kjennen sikj doamet nich saut äten, ooda äare Moag doamet vollstoppen. Oba daut wia daut, waut an enne Sind fieed.

De Kjennich woat truaren, un siene stoakje Mana woaren sikj nich weeten. De Lied äare Henj woaren tekjren. Ekj woa an jäwen waut see vedeent haben, un an strofen, doano aus see jeläft haben. Dan woaren see enseenen, daut ekj de HAR sie.

Ekj woa mie wäajen nuscht de Uagen toohoolen, un woa kjeen Metlieden met junt haben. Ekj woa junt bestrofen fa daut waut jie vedeent haben, un fa de oppscheiselje Dinja, dee jie jedonen haben. Dan woa jie enseenen, daut ekj de HAR sie.

Ekj woa nich miene Uagen toohoolen, un woa kjeen Metlieden met junt haben. Ekj woa junt jäwen, waut jie vedeent haben, un trigj tolen fa daut oppscheiselje, waut jie jedonen haben. Dan woa jie enseenen, daut ekj de HAR sie, dee junt stroft.