Popular Bible Verses from Ester 6

Share

Dee Nacht kunn de Kjennich nich schlopen, un hee säd, daut see de Bieekja von daut Rikj holen sullen un am doavon väaläsen. Un aus see doa lausen, lausen see en de Jeschicht, woo Mordechai emol daut haud opjedakjt, daut Bigtan un Teresch, twee Wajchta en däm Kjennich siene Woninj, däm Kjennich hauden wult ombrinjen.

Aus Haman nenn kjeem nom Kjennich, säd de Kjennich: Waut saul ekj met soonen Mensch doonen däm de Kjennich ieren well? Haman docht: Wäm wudd de Kjennich mea ieren wellen aus mie?

Un de Kjennich säd to Haman: Dan go du nu fuaz un hol soone Kjleeda un soon Pieet aus du jesajcht hast, un aul daut waut du väajeschloagen hast, un doo daut fa Mordechai däm Jud, eenen von de Beaumte em Rikj. Lot nuscht von daut ut, waut du väajeschloagen hast.