Popular Bible Verses from 1. Samuel 2

Share

Doa es kjeena waut heilich es, soo aus de HAR. Hee steit gaunz auleen; wie sent ons noanich soo secha aus bie onsen Gott.

Hee häft de oame ut däm Drakj, un däm Pracha ut siene Oamoot, soo daut dee eene Städ mank de Aunjeseene haben, un opp een Ierenstool to seeten komen. Däm HARN jehieet de Gruntsteen von de Ieed; de Welt es doa nopp jesat.

Hee paust no dee opp, waut am tru sent, oba de beese jeroden em diestren nenn; met siene ieejne Krauft blift kjeena aum stonen.

Hee moakt oam un hee moakt rikj; hee stat rauf, un hee häft opp.

De HAR jeft Läwen un nemt daut uk; hee fieet em Grauf nenn, un uk doa rut.