Popular Bible Verses from 1. Kjennichs 3

Share

Jeff mie nu Weisheit daut Volkj to rejieren, soo daut ekj mucht weeten waut goot un waut schlajcht es. Woo kunn ekj dit, dien grootet Volkj, aundasch rejieren?

woa ekj die daut jäwen no waut du fruachst. Ekj woa die Weisheit un Vestentnis jäwen soo aus noch nienich eena jehaut haft, un aus nienich noch wäa kjrieen woat.

Un Gott säd to am: Wiels du no dit jefroacht hast, un hast nich no een langet Läwen fa die jefroacht, ooda no rikj sennen ooda dän Doot von diene Fiend, un hast no Weisheit fa die jefroacht, daut du kaust daut doonen waut rajcht es

Ekj jäw die dan uk noch, no waut du nich fruachst. Ekj woa die rikj moaken un Iea jäwen, daut doa kjeen Kjennich en diene Tiet met die to vejlikjen woat gonen.

Un wan du woascht opp mienen Wajch bliewen, un miene Jebooten un Väaschreften hoolen, soo aus dien Voda David daut deed, dan woa ekj die uk een langet Läwen jäwen.

Eene Nacht bie Gibeon, kjeem de HAR no Salomo en eene Openboarunk, un Gott säd: Froag no waut ekj die jäwen saul.

Un du, mien HAR un Gott, hast mie, dienen Deena, toom Kjennich jemoakt en mienen Voda David siene Städ, wan ekj doch noch junk sie un nich weet, woo ekj rejieren saul.

Un daut jefoll däm HARN, daut Salomo no dit fruach.

Un Salomo säd: Du hast mienen Voda David, dee die deend, groote un truhoatje Leew jewäsen wiels hee met sien gaunzet Hoat goot un tru un opprechtich ver die waundlen deed. Un du hast dise groote un truhoatje Leew biebehoolen en dit, daut du sienen Sän vondoag opp sien Troon latst rejieren.

Un ekj sie hia en de Medd von dien Volkj, daut du jewält hast, een grootet Volkj daut soo groot es daut et nich to talen jeit.