Popular Bible Verses from 1. Kjennichs 18

Share

Auntwuat mie, HAR. Auntwuat mie soo daut dit Volkj weeten woat, daut du, HAR, Gott best, un daut du an daut Hoat woascht rein moaken.

Un aus daut Tiet wia daut Ätesopfa to brinjen, jinkj Elia no däm Aultoa un bäd: HAR, du Gott fa Abraham, Isaak un Israel, lot daut vondoag to seenen sennen daut du de Gott en Israel best, un daut ekj dien Deena sie. Bewies daut, daut ekj dit no diene Aunordnunk jedonen hab.

Un Elia stald sikj ver daut Volkj un säd: Woo lang well jie junt opp beid Sieden delenjd schlapen? Wan de HAR Gott es, dan deent am, oba wan Baal es, dan deent däm. Un daut Volkj jeef am kjeene Auntwuat.

Dan foll doa Fia vom Himmel un daut vebrend daut Brauntopfa, daut Holt, de Steena un de Ieed. Daut lekjt daut Wota ut de Groow rut.

Aus daut Volkj dit sach, follen see aula opp äa Jesecht un säden: De HAR es Gott! De HAR es Gott!

Un aus hee daut säwende mol kjikjt, säd hee: Horch emol. Doa kjemt eene kjliene Wolkj opp von em Mäa. Dee es soo groot aus een Maun siene Haunt. Un Elia säd to dän Deena: Go un saj Ahab, hee saul aunspaunen un rauf foaren, daut de Räajen am nich opphelt.

Un Elia kjrieech Krauft vom HARN, un hee neem sikj siene Kjleeda fausta om, un rand ver Ahab bat Jesreel.

Un Elia säd to Ahab: Go nopp, un at un drinkj, wiels ekj hia daut ruzhen, soo aus wan daut sea räajnen woat.

Un hee säd to sienen Deena: Go un kjikj no daut Mäa. Dee jinkj un kjikjt un säd: Doa es nuscht. Un Elia säd: Go wada, säwen mol.

Dan säd Elia to daut gaunze Volkj: Komt emol aula dicht bie mie. Un see kjeemen aula dicht bie am. Un Elia bud dän HARN sien Aultoa wada opp, dee doljeräten wia.

Lot de Baals Profeeten dän Nomen von äaren Gott aunroopen, un ekj woa dän HARN sienen Nomen aunroopen. Un dan lot wie dän, dee met Fia auntwuaten woat, Gott sennen. Un daut gaunze Volkj säd: Jo, daut es rajcht.

Hee neem twalw Steena, soo aus doa Stam fa Jakob siene Säns wieren. De HAR haud to dän Staumvoda Jakob jesajcht: Du saust Israel heeten.

Aus daut Meddach wort, spott Elia an un säd: Roopt sea lud. Hee es doch een Gott. Hee es veleicht deep en Jedanken ooda haft daut drock. Hee es veleicht wajch jegonen ooda enjeschlopen, daut jie am oppwakjen sellen.

Un hee bud met dee Steena eenen Aultoa en däm HARN sienen Nomen. Runtom dän Aultoa muak hee eene Groow, groot jenuach fa tieen Kilo Sot.