Popular Bible Verses from Zacarias 9

Share

Pagmaya pag-ayo, O katawhan sa Sion! Singgit, O katawhan sa Jerusalem! Moanha kanimo ang imong hari, moanha nga madaogon ug mapaubsanon nga magkabayog asno— sa nati sa asno.

Ipalayo niya sa Efraim ang karwahi ug kuhaon gikan sa Jerusalem ang mga kabayong iggugubat. Balion niya ang mga pana ug makigdait siya sa kanasoran. Ang iyang gingharian maglakip sa tanang kadagatan, gikan sa Suba sa Eufrates ngadto sa tanang suok sa kalibotan.

Niadto unyang adlawa luwason ni Yahweh nga ilang Dios ang iyang katawhan kay sila iya mang mga karnero; unya sama sa mga alahas diha sa usa ka korona, mogilak sila diha sa iyang yuta.