Popular Bible Verses from Mga Salmo 46

Share

Miingon siya, “Hunonga ang inyong panag-away ug ilha ako nga mao ang Dios, ang labawng pangulo sa kanasoran ug sa tibuok kalibotan!”

Ang Dios mao ang atong dalangpanan ug kusog. Andam siya kanunay sa pagtabang panahon sa kalisdanan. Busa dili kita mahadlok bisan matay-og ang yuta ug matumpag ang kabukiran ngadto sa kahiladman sa dagat

May sapa nga ang tubig naghatag ug kalipay sa siyudad sa Dios, ang balaang puloy-anan sa Labing Halangdon. Ang Dios anaa magpuyo niining siyudara, ug dili gayod kini malumpag. Sa sayong kabuntagon moanha siya aron pagtabang niini.

Gipahunong niya ang mga gubat sa tibuok kalibotan; gibalibali niya ang mga pana ingon man ang mga bangkaw ug gidaoban ang mga taming.