Popular Bible Verses from Mga Panultihon 16

Share

Itugyan sa GINOO ang imong mga laraw ug molampos ka sa pagtuman niini.

Ikaw ang maglaraw, apan ang GINOO maoy maggiya kanimo sa imong pagbuhat niini.

Ang malumong mga pulong sama sa dugos, tam-is ug makaayo sa panglawas.

Ang tawo maghimog mga laraw, apan ang GINOO maoy magbuot sa tanan.

Mas maayo ang mapailubon kay sa gamhanan. Mas maayo ang makapugong sa kaugalingon kay sa naghari sa siyudad.

Ang garbo mosangpot sa kalaglagan, ug ang pagkamapahitas-on ngadto sa pagkapukan.

Ang tawo maghunahuna nga husto ang tanan niyang gibuhat, apan ang GINOO maoy maghukom niini.

Matngoni ang gitudlo kanimo ug magmalampuson ka; salig sa GINOO ug magmalipayon ka.

Mas maayo ang diyutayng bahandi nga nabatonan sa matarong nga paagi kay sa daghan nga nakuha pinaagi sa limbong.

Usahay ang gituohan mo nga hustong dalan mosangko diay sa kamatayon.

Ang mga daotan nagsabwag sa walay hinungdan nga mga tabi; naghaling silag kasamok ug nagbungkag sa panaghigalaay.