Popular Bible Verses from Mga Panultihon 10

Share

Makadato ang mga panalangin sa GINOO. Dili makalabaw niini ang bunga sa kakugi.

Kon magpataka kag sulti, lagmit kang masayop. Kon maalamon ka, magpakahilom ka lang.

Makahimog kasamok ang pagdumot apan ang gugma mopasaylo sa tanang kalapasan.

Makapobre kanimo ang pagkatapolan, apan makadato kanimo ang pagkakugihan.

Ang mamati sa nagsaway kaniya nagsubay sa dalan sa maayong kinabuhi, apan ang dili moangkon nga sila nasayop mahisalaag gayod.

Magmalinawon ug dili hilabtan ang tawong matarong, apan masakpan ang mga tawo nga limbongan.

Tahora ug kahadloki ang GINOO ug motaas ang imong kinabuhi. Apan mamatay sa dili pa panahon ang mga tawong daotan.

Dili pasagdan sa GINOO nga ang tawong matarong mamatay sa kagutom, apan pugngan niya ang daotan sa pagkab-ot sa iyang gitinguha.

Inig-abot sa unos, ipadpad ang mga daotan, apan dili gayod maunsa ang tawong matarong.