Popular Bible Verses from Jeremias 27

Share

“Pinaagi sa akong dakong gahom gihimo ko ang kalibotan, ang katawhan ug ang tanang mananap sa yuta ug mahimong ihatag ko kini kang bisan kinsa nga akong nakita nga angayan niini pilion.

Ako maoy nagbuot nga mailalom sa gahom sa akong sulugoon nga si Nabucodonosor, hari sa Babilonia, ang tanang kanasoran. Gihatag ko usab kaniya ang ihalas nga mga mananap aron mag-alagad kaniya.

Ayaw kamo pamati sa inyong mga propeta o ni bisan kinsa nga moingon nga makatagna siya sa umaabot nga panahon pinaagi sa damgo o sa pagsangpit sa espiritu sa mga patay o pinaagi sa salamangka. Silang tanan nagdili kaninyo sa pag-alagad sa hari sa Babilonia.

Panad-on kini ngadto sa Babilonia ug magpabilin didto hangtod nga mohukom ako nga ibalik kini nganhi aron iuli sa nahimutangan niini. Ako, ang GINOO, maoy nagsulti niini.”