Popular Bible Verses from Jeremias 23

Share

Walay makatago gikan kanako. Wala ba kamo masayod nga ako anaa sa tanang dapit sa langit ug sa yuta?

Nag-ingon ang GINOO, “Taliabot ang panahon nga magpili akog matarong nga kaliwat ni David aron mahimong hari. Ang maong hari magmando sa tumang kamaalamon ug ipatunhay niya ang hustisya ug katarong sa tibuok nasod. Kon maghari na siya, mahilikay na sa kadaot ang katawhan sa Juda ug magpuyo nang malinawon ang katawhan sa Israel. Paganganlan siyag, ‘Ang GINOO Mao Ang Atong Kaluwasan.’”

Pagkamakalilisang sa silot sa GINOO ngadto sa mga pangulo nga nagpahisalaag ug nagpatibulaag sa iyang katawhan!

Tigumon ko ang nahibilin sa akong katawhan gikan sa kanasoran diin ko sila patibulaaga ug dad-on ko sila balik sa ilang nasod. Unya mosanay sila pag-ayo. Hatagan ko silag mga pangulo nga mag-atiman kanila. Dili na sila mahadlok o malisang ug dili ko na sila silotan pag-usab. Ako, ang GINOO, maoy nag-ingon niini.”

Ang GINOO nga Labing Gamhanan nag-ingon sa katawhan sa Jerusalem, “Ayaw kamo pamati sa isulti sa mga propeta kay bakak ang ilang gipatuohan kaninyo ug makawang lamang ang inyong paglaom. Ang ilang gipatuo kaninyo bunga lamang sa ilang hunahuna ug dili gikan kanako.