Popular Bible Verses from Isaias 9

Share

Natawo alang kanato ang usa ka bata; gihatag kanato ang usa ka anak nga lalaki, ug siya ang magmando sa tanan ug nganlan siyag “Maalamong Magtatambag,” “Dios nga Gamhanan,” “Amahan Hangtod sa Kahangtoran,” “Prinsipe sa Pakigdait.”

Ang katawhan nga kaniadto naglakaw sa kangitngit nakakitag dakong kahayag; ang nagpuyo sa mangiob nga dapit gisidlakan na sa kahayag.

Walay kataposan ang pag-uswag sa iyang pagmando, ug molungtad ang kalinaw diha sa trono ni David ug sa gingharian niini; lig-onon niya kini ug palungtaron subay sa hustisya ug sa katarong, sukad karon hangtod sa kahangtoran. Himoon gayod kini sa GINOO nga Labing Gamhanan.

Sunogon daw sugnod ang tanang sapatos sa mga sundalo nga nagpaingon sa gubat, ingon man ang tanang sapot nga natumog sa dugo.

Sa miaging panahon gipakaulawan niya ang Zabulon ug ang Neftali apan sa umaabot nga mga adlaw himoon niyang nindot ang mga dapit nga duol sa dagat, ang yuta unahan sa Jordan, ang Galilea nga gipuy-an sa mga langyaw.

Gipadaghan mo ang lumolupyo sa nasod, O GINOO; gidugangan mo ang ilang kalipay; nagmaya sila diha sa imong atubangan, sama sa pagmaya sa mga tawo inigkating-ani, ug sa mga tawo inigbahinbahin nila sa ilang mga inilog.

Sama sa nahitabo sa Midian, gigupok mo ang yugo nga gisangon kanila, ug ang karga nga ilang gipas-an ug ang bunal sa nagdaugdaog kanila.