Popular Bible Verses from Isaias 51

Share

Ang GINOO miingon, “Ako mao ang naghatag kaninyog kaisog, busa ayaw kamo kahadlok sa tawo nga mamatay ra sama sa mga sagbot.

Gibutang ko ang akong mga pulong diha sa inyong baba, ug gitagoan ko kamo diha sa landong sa akong kamot; gihikyad ko ang kalangitan ug gipahimutang ko ang sukaranan sa kalibotan, ug miingon ako sa Jerusalem, ‘Ikaw mao ang akong katawhan.’”

“Pamati kanako, kamo nga nasayod unsay matarong, katawhan nga nagmahal sa akong balaod; ayaw kahadloki ang pagtamay sa katawhan ug ayaw ikaguol ang ilang pagbiaybiay.

“Kay lipayon sa GINOO ang Sion; lipayon niya ang tanang dapit niini nga nagun-ob, ug himoong sama sa Eden ang kamingawan niini, ug ang diserto niya mahisama sa tanaman sa GINOO. Magmaya sila ug maglipay, magpasalamat ug mag-awit alang kaniya.

Ug mamauli ang mga tinubos sa GINOO ug mag-awit sila nga moadto sa Jerusalem; mahulagway sa ilang nawong ang kalipay nga walay kataposan. Makabaton silag kalipay ug pagmaya, ug mahanaw na ang kaguol ug ang panghupaw.