Popular Bible Verses from Exodo 7

Share

Ang GINOO miingon kang Moises, “Himoon ko ikaw nga sama sa Dios sa atubangan sa hari sa Ehipto ug ang imong igsoon nga si Aaron maoy mosulti kaniya ingon nga imong propeta.

Apan pagahion ko ang kasingkasing sa hari ug bisan pag maghimo akog daghang milagro ug mga kahibulongang butang, dili siya mamati kanimo. Unya pahamtangan kog bug-at nga silot ang Ehipto ug akoy mangulo sa akong kasundalohan, ang akong katawhan nga mga tribo sa Israel aron pagbiya sa Ehipto.

Inigbakyaw ko sa akong kamot batok kanila, masayran sa mga Ehiptohanon nga ako ang GINOO ug dad-on ko ang mga Israelita gawas sa ilang nasod.”

Unya gipatawag sa hari ang iyang mga tawong maalamon ug ang mga salamangkero ug pinaagi sa ilang mga salamangka gihimo usab nila ang gihimo ni Aaron. Giitsa nila sa yuta ang ilang mga sungkod ug nahimo usab kining mga bitin. Apan ang ilang mga sungkod gitukob sa sungkod ni Aaron.

Ang GINOO nag-ingon nga pailhon ka niya nga siya mao ang GINOO pinaagi sa iyang pagabuhaton. Pinaagi niining sungkod bunalan ko ang tubig sa suba ug mahimo kining dugo.

“Kon ang hari sa Ehipto moingon kaninyo, ‘Pamatud-i ninyo ang inyong kaugalingon pinaagig milagro,’ ingna si Aaron, ‘Iitsa ang imong sungkod sa atubangan sa hari ug mahimo kining bitin.’” Unya miadto sa hari si Moises ug si Aaron ug gituman nila ang gisugo sa GINOO. Giitsa ni Aaron ang iyang sungkod sa atubangan sa hari ug sa iyang mga opisyal ug nahimo kining bitin.