Popular Bible Verses from Daniel 9

Share

Nag-ampo ako sa GINOO nga akong Dios ug gisugid ko kaniya ang akong mga sala. Miingon ako, “O Ginoo, gamhanan ka ug Dios nga angay kahadlokan. Nagtuman ka sa imong kasabotan ug ang imong gugma walay paglubad alang niadtong nahigugma kanimo ug nagtamod sa imong kasugoan.

O Dios ko, patalinghogi ako. Sud-onga ang among kaalaot ug ang siyudad nga nagdala sa imong ngalan. Wala kami mag-ampo kanimo tungod kay kami matarong kondili tungod sa imong dakong kaluoy. Pamatia kami, O Ginoo, ug pasayloa kami. O Ginoo, tagda kami ug ihatag ang among gihangyo. Ayawg langana ang imong kaluoy tungod sa imong ngalan, O Dios ko, ang siyudad ug ang imong katawhan nga imong pinili.”

Unya midangop ako sa Ginoong Dios, pinaagi sa pag-ampo uban sa pagpuasa ug pagbistig sako ug pagbubhog abo.

“Apan ikaw, O Ginoo nga among Dios, maluluy-on ug andam sa pagpasaylo bisan pag misupil kami kanimo.

Ug sulod sa pito ka tuig ang maong prinsipe maghimog kasabotan uban sa daghang katawhan ug tapos sa katunga sa maong panahon pahunongon niya ang halad ug taliwala niining tanang kangil-ad motungha Ang Makalilisang nga Talan-awon hangtod nga ang gitagal nga katalagman ibubo diha sa nagbutang niini.”