Popular Bible Verses from 1 Pedro 2

Share

Apan kamo mao ang piniling katawhan, ang mga harianong pari ug ang balaang nasod. Gipili kamo sa Dios aron maiya ug aron magsangyaw sa mga kahibulongang buhat sa Dios. Gitawag kamo niya gikan sa kangitngit ngadto sa iyang katingalahang kahayag.

Didto sa krus gidala ni Cristo diha sa iyang lawas ang tanan tang mga sala aron dili na kita magpakasala kondili magkinabuhi na nga matarong. Pinaagi sa iyang mga samad nangaayo kamo. Kamo kaniadto sama sa mga karnero nga nangasaag. Apan karon gidala kamo pagbalik aron magsunod sa Magbalantay ug Tig-atiman sa inyong mga kalag.

Kaniadto dili kamo katawhan sa Dios apan karon katawhan na kamo niya. Kaniadto wala maluoy ang Dios kaninyo apan karon gikaluy-an na kamo.

Sama sa mga bata nga masuso, pangandoy kamo sa lunsayng gatas nga espirituhanon aron sa inyong pag-inom niini motubo kamo ngadto sa kaluwasan

Mga igsoon, naghangyo ako kaninyo ingon nga mga dumuduong ug mga langyaw niining kalibotana: ayaw kamo padaog sa mga lawasnong kailibgon nga kanunay nakig-away sa inyong kalag. Pagbinuotan kamo sa inyong pagkinabuhi tipon sa mga dili magtutuo aron kon kamo daoton nila, makita nila ang inyong mga maayong buhat ug magdayeg sila sa Dios sa Adlaw sa iyang pagbalik.

Sama sa mga batong buhi, panuol kamo ug ipagamit ang inyong kaugalingon aron pagtukod sa espirituhanong templo diin mag-alagad kamo ingon nga balaang mga pari nga maghalad sa espirituhanon ug makapahimuot nga mga halad ngadto sa Dios pinaagi kang Jesu-Cristo.

Busa biyai ninyo ang tanang daotang panghunahuna, pagpamakak, pagpakaaron-ingnon, pagkamasinahon ug pagkabugalbugalon.

Paduol kamo sa Ginoo, ang buhing bato nga gisalikway sa mga tawo apan gipili sa Dios ug iyang giisip nga bililhon.

Pagkinabuhi kamo ingon nga mga tawo nga may kagawasan apan ayaw kini gamita aron pagtabon sa daotan kondili pagkinabuhi kamo ingon nga mga ulipon sa Dios.

Kay mao kini ang kabubut-on sa Dios: buot siya nga masanta ninyo ang mga sulting walay hinungdan sa mga buangbuang pinaagi sa inyong mga maayong buhat.