Popular Bible Verses from Ro 5

Share

Atzunte Dyos oje tzaj tyek'u'n qe qa nqo tk'u'jla'n, qu'n kyimju' Jesukrist tu'n qpaj maskye aj ilqotoq.

Atzunju' q'uqb'ab'l tu'n Dyos lay kub'naj, qu'n ina' qna'n toj qanmi ati tk'u'jlalil Dyos qi'j tu'nju' Xewb'aj Xjan tzaj tq'o'n qe.

Ex myanaq o'kxju' lu, ex ikx nqo' tzalaj toju' yajb'ilqe; qu'n b'i'na' qu'n qa aju' yajb'il ntzaj q'onte qipumal tu'n qkub' we' b'a'nxi'x ex tu'n tik'x qu'n, ex tu'ntzunju' nik'x qu'n inqo' ok ka'yi'n tu'n Dyos, ex atzuntzu' noka' qexi'x qk'u'j ti'j Dyos.

Maqo tk'amte' Dyos ex maqo oktq'o'n tnik'alqi'j naqx tu'n qokslab'l, ja'lo atitzun nak'b'il qxol naqx tu'nelju' Qajaw Jesukrist. Qu'n naqx tu'nel Jesukrist xqopona' lq'e tk'etz Dyos ex tu'nju' qokslab'l, tu'ntzun qtzalaj toju' t-xtalb'il ex matxi' kub' qwab'a'n qib' ex nimxi'x tzalajb'il qe tu'nju' q'uqlok qk'u'j ti'j tajwalil Dyos.

Qu'n tej mixti'xqe tu'me'l qu'n tu'n qklonte qib' qib'xqib', ul Jesukrist kyimel tu'n tpaj qil tojxi'xju' tq'ijlalil.

Ja'lotzun naqx tu'n xkyim Jesukrist, matxi' qo' mk'et tu'n Qman Dyos ex matxi', qu'mtzun qo kletil tu'n ajttzaju' tz'e'ysb'il witzb'aj toj b'ajsb'il q'ij.

Iku' se'n e'ok kkyaqil xjal aj il tu'n tpaj til jun xjal; ex ikxtzu'n tu'me'lju' nim xjal knajsetel kyil ex che k'metel tu'n Dyos naqx tu'nel juntl wnaq aju' Jesukrist, ok tnik'alxi'xti'j.

Ex mya o'kx ja'lu, ex inxi'x qotzalaj ti'j Dyos naqx tu'nel Qajaw Jesukrist, qu'n tu'nte Krist xb'enta qten tuk'i'l Dyos.