Popular Bible Verses from Mc 6

Share

Xi'tzun tma'n Jesus kye: —Kuktzaje', qo'qe' oqo'kx tu'n qojlan ch'i'n jamixti'qe' xjal, chij. Qu'n nimtoq xjal nche anj ex nche ul tk'etz, mixti'x nten anb'il kye tu'n kwan.

Atzunte Jesus xitma'n kye: —Injaw nima'n jun t-sanjelal Dyos kyu'n xjal toj tkyaqil tnam, atzu'n tojx ttanam, kxol twitze'l ex tojx tja min nnimanjtz, chij.

Tetzunj tetz Jesus toj b'ark, xitka'yi'n nim txqan xjal matxitoq che pon, tzaj laqj tk'u'j kyi'j, qu'n ikqe'toqju' se'nqe' rit mixti' k'ik'lel kye, aq'witzun xnaq'tzalte nim ti'xti' kye.

Min b'entl tb'inchante Jesus jun b'a'nq'ob'aj atzu', naq o'kx kub' tq'o'n tq'ob' kyib'aj jte' yab' ex etq'a'na'. Ex jaw lab'ti Jesus, qu'n mixtoqti' nche okslanju' xjal na'tz te. B'aj tb'ete'n Jesus kyoj kojb'il nqayin, intoq q'on xnaq'tzb'il.

Ejawtzun ttzyu'n Jesus jwe' wab'j tuk'i'lju' kab'e' kyiẍ, jaw ka'yin twitz kya'j, xitq'o'n chjonte te Dyos, e'kub' taq'pu'n wab'j ex xitq'o'n kye t-xnaq'tzb'en tu'n t-xiksipa'n kye xjal, ex e'kub' taq'pu'n kab'e' kyiẍ kxol kkyaqil xjal. Kkyaqil ewan ex eb'aj noj; b'jaw kychmo'n piẍ wab'j ex piẍ kyiẍ min b'aj, ex b'ant kab'lajoj chi'l.