Popular Bible Verses from ESAERA ZAHARRAK 2

Share

Jauna baita zuhurtzia ematen duena, berarengandik datoz ezaguera eta zentzu ona.

Seme, nire esanak onartu eta aginduak gogoan badituzu, zuhurtziari kasu egin eta zentzu onari jaramon egiten badiozu, adimenari dei egin eta zentzu onari hots egiten badiozu, dirua eta altxorrak bezala bilatzen saiatzen bazara, orduan ulertuko duzu zer den Jaunarenganako begirunea eta Jainkoa ezagutzera iritsiko zara.

Berak ematen die arrakasta zintzoei eta babesa jokabide zuzenekoei; zuzenbideari jarraitzen diotenak babesten ditu eta berarekin leial direnak zaintzen.

Prestuak biziko baitira lurrean eta zuzenek iraungo bertan; gaizkileak, berriz, jo eta garbitu egingo dituzte mundutik, eta maltzurrak desagerrarazi bertatik.

Horrela, emakume lotsagabe eta lausengariagandik aldenduko zara, bere gaztaroko laguna utzi eta Jainkoaren ituna ahaztu duenarengandik.